post 1

ക്രിസ്തു സ്വന്ത ജീവൻ നമുക്ക് വേണ്ടി പരിത്യജിച്ചു എന്നതിൽ നിന്നു സ്നേഹം എന്തെന്നു നാമറിയുന്നു . നമ്മളും സഹോദരർക്ക് വേണ്ടി ജീവൻ പരിത്യജിക്കാൻ കടപ്പെട്ടിരിക്കുന്നു . (1 യോഹന്നാൻ 3;16 )

ഐസിസ് എന്ന ഭീകരസംഘടനയിലൂടെ പിശാച് ദൈവമക്കളുടെ നേർക്കുള്ള തന്റെ പ്രതികാരം അതിക്രൂരമായ പീഡനങ്ങളിലൂടെയും കൊലപാതകങ്ങളിലൂടെയും ശക്തമാക്കി കൊണ്ടിരിക്കുക്കയാണ് .ക്രൂരതകൾ ഒരു തുടർക്കഥ ആയികൊണ്ടിരിക്കുമ്പോൾ ലോകജനതയുടെ നല്ലൊരു ഭാഗം ആളുകളും ഒരു വാർത്ത എന്നതിനപ്പുറം അതിനു യാതൊരു പ്രാധാന്യവും നല്കുന്നില്ല എന്നതു തികച്ചും ഞെട്ടിപ്പിക്കുന്ന ഒരു കാര്യമാണ് . ക്രിസ്തുവിനു വേണ്ടി മാത്രം പീഡനങ്ങൾ സഹിക്കുന്ന ആ മക്കൾ നമ്മുടെ സഹോദരങ്ങൾ ആണെന്നുള്ള ബോദ്ധ്യം ലോക ജനസംഖ്യയുടെ വലിയൊരു ഭാഗം വരുന്ന ക്രിസ്തുവിന്റെ അനുയായികൾ (ക്രിസ്ത്യാനികൾ ) എന്നു അഭിമാനപ്പൂർവം പറയുന്ന നമ്മളുൾപെട്ട ദൈവ മക്കളിൽ ഭൂരിഭാഗം പേർക്കും ഇല്ലാതെ പോയി എന്നത് വേദനിപ്പിക്കുന്ന ഒരു സത്യമാണ് . നമ്മുടെ പ്രിയപ്പെട്ടവർക്കോ നമുക്കോ മാത്രം, ഈ ദുരവസ്ഥ ഉണ്ടായാൽ മാത്രമേ നമ്മുടെ വേദനയായി മാറൂ എന്ന ഈ ചിന്തയ്ക്ക് കാരണം തന്നെ പിശാചു നമ്മിൽ ആഴത്തിൽ വേരുപിടിപ്പിചിരിക്കുന്ന സ്വാർത്ഥത തന്നെയാണ് . മതത്തിന്റെയോ ,ഭാഷകളുടെയോ , ദേശങ്ങളുടെയോ വ്യത്യാസം നോക്കാതെ എല്ലാ മനുഷ്യർക്കും വേണ്ടി പീഡകൾ സഹിച്ചു രക്തം ചിന്തി മരിച്ച മിശിഹായുടെ നാം എന്നുള്ള സത്യം നാം പലപ്പോഴും വിസമരിക്കുന്നു .ഭീകരർ കഴിഞ്ഞ ദിവസം വീണ്ടും 90 പേരെ തട്ടികൊണ്ടുപോയി ,വീണ്ടും അവരുടെ മരണം ചിത്രീകരിച്ചു നമ്മുടെ കണ്മുന്നിൽ എത്തിക്കുമ്പോൾ മാത്രം അവർക്ക് വേണ്ടി രണ്ടു തുള്ളി കണ്ണുനീർ പൊഴിച്ചു അടുത്ത മൂന്നു ദിവസം അവർക്ക് വേണ്ടി പ്രാർത്ഥിച്ചു വീണ്ടും നമ്മളിൽ പലരും അവരെ മറക്ക്കും . വീണ്ടും ഞാൻ ,എന്റെ കുടുംബം ,മക്കൾ ,സമ്പത്ത് ,തുടങ്ങിയ കാര്യങ്ങളിലേക്കു മാത്രം നമ്മുടെ പ്രാർത്ഥനകൾ വഴി മാറും . ഈ അവസാന നാളുകളിൽ ഇതിൽ നിന്നും ഒരു മാറ്റം ആവശ്യമല്ലെ ? കരുണയ്ക്ക് വേണ്ടി നിലവിളിച്ചു പ്രാർഥിക്കേണ്ട സമയം അതിക്രമിച്ചു കഴിഞ്ഞു എന്നുള്ള മുന്നറിയിപ്പാണ് നമുക്കും ചുറ്റും നടക്കുന്ന ഈ ക്രൈസ്തവ പീഡനങ്ങൾ .സമ്പത്തിന്റെയും പ്രശസ്തിയുടെയും പിന്നാലെ പാഞ്ഞുകൊണ്ടിരിക്കുന്ന വലിയൊരു വിഭാഗം മനുഷ്യ സമൂഹത്തിൽ നിന്നും നമുക്കു വ്യത്യസ്തരാകാം .(1 യോഹന്നാൻ 3 ;14 )ഇങ്ങനെ പറയുന്നു "സഹോദരനെ സ്നേഹിക്കുന്നത് കൊണ്ട് നമ്മൾ മരണത്തിൽ നിന്ന് ജീവനിലേക്കു കടന്നിരിക്കുന്നു എന്നു നാമറിയുന്നു : സ്നേഹിക്കാത്തവനാകട്ടെ മരണത്തിൽ തന്നെ നില കൊള്ളുന്നു ". ഈ ലോകത്തിലെ മരണത്തിൽ നിന്നല്ല നിത്യ മരണത്തിൽ നിന്നാണ് നമ്മുക്ക് രക്ഷ വേണ്ടതെന്ന ബോദ്ധ്യത്തിൽ ആഴപ്പെട്ടുകൊണ്ട് പീഡനം അനുഭവിക്കുന്ന സഹോദരങ്ങൾക്ക് വേണ്ടി കർത്താവിനോടു കേണപേക്ഷിക്കാം .

മരിയൻ മിനിസ്ട്രി കുടുംബത്തിലെ അംഗങ്ങളായ നമുക്കു ഒന്നിച്ചു കർത്താവിനു മുന്നിൽ കൈകൂപ്പാം ,ലോകത്തിന്റെ പല ഭാഗങ്ങളിൽ പീഡനങ്ങൾ അനുഭവിക്കുന്ന നമ്മുടെ സഹോധരാൻങ്ങൾക്ക് വേണ്ടി , അതിനായി ഇനിയുള്ള ഒരു മാസം നമ്മുടെ ഒരു ദിവസത്തിലെ അരമണിക്കൂർ സമയം ഇതിനു മാത്രമായി മാറ്റി വയ്ക്കാം .ഓരോ ദിവസവും രാവിലെ 8.30 മുതൽ (ഇസ്രേൽ ടൈം )വൈകുന്നേരം 7 മണി വരെയുള്ള സമയങ്ങളിൽ ,കൂട്ടായ്മ പ്രാർത്ഥനകൾ ഇല്ലാത്ത സമയങ്ങളിൽ നിങ്ങളുടെ സൗകര്യം അനുസരിച്ചു ഓരോ അര മണിക്കൂർ വ്യക്തിപരമായി എടുക്കാവുന്നതാണ് .പരി .കന്യാമാതാവിന്റെ ജപമാല ,കരുണയുടെ ജപമാല ,വചനം വായിക്കുക, ഇവയായിരിക്കും പ്രാർത്ഥന ക്രമം . ഈ അരമണിക്കൂർ ജപമാലയും ബൈബിളും അല്ലാതെ മറ്റൊന്നും നിങ്ങളുടെ കൈകളിൽ ഇല്ലാതിരിക്കട്ടെ ,കാഴ്ചയും ,വിചാരങ്ങളും ,ചിന്തയുമെല്ലാം ലോകത്തിൽ നിന്നു മാറ്റി ഹൃദയം പൂർണമായി കർത്താവിനു കൊടുത്തു കൊണ്ടു പീഡിപ്പിക്കപ്പെടുന്ന ലോകത്തിനു വേണ്ടി പ്രാർത്ഥിക്കാം .

ഇതെല്ലാം ചെയ്യുന്നത് കാലത്തിന്റെ പ്രത്യേകത അറിഞ്ഞു കൊണ്ടുവേണം .നിദ്ര വിട്ടു ഉണരേണ്ട മണിക്കൂർ ആണല്ലോ ഇതു .എന്തെന്നാൽ രക്ഷ നമ്മൾ ആരും പ്രതീക്ഷിച്ചതിനെക്കാൾ കൂടുതൽ അടുത്തെത്തിയിരിക്കുന്നു . (റോമ 13 :11 )

Read More

checj

Click Here

http://picosong.com/2wjN/

Read More

sample

അവരാകട്ടെ കുഞ്ഞാടിന്റെ രക്തം കൊണ്ടും സ്വന്തം സാക്ഷ്യത്തിന്റെ വചനം കൊണ്ടും അവന്റെ മേൽ വിജയം നേടി.ജീവന നല്കാനും അവർ തയ്യാറായി .അതിനാൽ സ്വർഗമേ ,അതിൽ വസിക്കുന്നവരേ ആനന്ദിക്കുവിൻ .എന്നാൽ ഭൂമിയേ ,സമുദ്രമേ നിങ്ങൾക്ക് ദുരിതം ; ചുരുങ്ങിയ സമയമേ അവശേഷിക്കുന്നുള്ളൂ എന്നറിഞ്ഞു അരിശം കൊണ്ടു പിശാചു നിങ്ങളുടെ അടുത്തേക്ക് ഇറങ്ങിയിട്ടിട്ടുണ്ട് . ( വെളിപാട്‌ 12 : 11 )

 കഴിഞ്ഞ കുറെ നാളുകളായി മനസിനെ അസ്വസ്ഥതപെടുത്തുന്ന സംഭവങ്ങളും കാഴ്ചകളുമാണ് ലോകത്തിന്റെ വിവിധഭാഗങ്ങളിൽ അരങ്ങേറി കൊണ്ടിരിക്കുന്നത് അതിൽ വളരെയധികം ഭീതിതവും ക്രൂരവുമായ കാഴ്ചകളായിരുന്നു ഇന്നലെ ഈജ്പ്തിൽ നിന്നും നാം അറിഞ്ഞത് .കടന്നു പോയ കുറച്ചു ദിവസങ്ങളായി വിശ്വാസത്തിന്റെ പേരിൽ നിഷ്ടൂരമായി പീഡിപ്പിക്കപെടുന്ന ഒരു ജനതയുടെ നിലവിളി ഇന്നലെയാണ് ലോകം കണ്ടത് . ഈജ്പ്തിൽ നിന്നുള്ള വിവിധ ദ്രിശ്യങ്ങൾ വാർത്തകളിലൂടെ കണ്ടു കൊണ്ടിരുന്നപ്പോൾ ഭീകരരർ പിടിച്ചുകൊണ്ടുപോയ മകളുടെ ചിത്രവും കൈകളിലേന്തി അലമുറയിട്ടു കരയുന്ന ഒരു അമ്മയുടെ ദൃശ്യം ഹൃദയത്തിൽ ആഴമായി പതിഞ്ഞു . കരച്ചിലിനടയിൽ തന്റെ മകളെ അവർ ആർക്കായിരിക്കും വിറ്റിട്ടുണ്ടാവുക എന്നു ഉറക്കെ വിളിച്ചു ചോദിക്കുന്ന അവരുടെ വേദന കണ്ടു നില്ക്കാൻ സാധിക്കില്ല . പലരുടെയും വിശ്വസം ചോദ്യം ചെയ്യപ്പെട്ടു പോന്ന നിമിഷങ്ങൾ ,പക്ഷെ ഇന്നലെ നമ്മൾ അവിടെ നിന്നു കണ്ട കാഴ്ച്ച മറിച്ചായിരുന്നു , ക്രൈസ്തവ വിശ്വാസികൾ ആയതിന്റെ പേരിൽ മാത്രം തലയറുക്കപ്പെട്ട 21 രക്തസാക്ഷികൾ .അതെ ഇനിയും കർത്താവിനു വേണ്ടി ഒന്നും ചെയ്യാൻ സാധിക്കാത്ത നമുക്കു വിശ്വാസത്തിന്റെ സാക്ഷ്യം നല്കി കടന്നു പോയ കർത്താവിന്റെ രക്തസാക്ഷികൾ .മരണം കണ്മുന്നിൽ വാളായി ഉയർത്തപ്പെടുമ്പോഴും യേശുവേ രക്ഷിക്കണേ എന്നു ഒരേ ശബ്ദത്തിൽ വിളിച്ചു പ്രാർഥിച്ചു കൊണ്ടു മരണം വരിച്ച ഒരു പറ്റം നിഷ്കളങ്കരായ മനുഷ്യർ. അവരിൽ കണ്ടതു മരണത്തിനും തകര്ക്കാൻ പറ്റാത്ത വിശ്വാസത്തിന്റെ ശക്തിയായിരുന്നു . നിസാര കാര്യങ്ങൾക്ക് പോലും ദൈവത്തെ കുറ്റപെടുത്തുന്ന നമുക്കു വേണ്ടി മുന്നേ കടന്നുപോയ നമ്മുടെ സഹോദരങ്ങൾ തങ്ങളുടെ രക്തം കൊണ്ട് നല്കിയിട്ടു പോയ സാക്ഷ്യം . ഒരു ക്രൈസ്തവ വിശ്വസിയായതിന്റെ പേരിൽ മാത്രം മരണം ഏറ്റു വാങ്ങേണ്ടി വന്ന അവർക്ക് വേണമെങ്കിൽ തങ്ങളുടെ വിശ്വാസത്തെ തള്ളിപറയാമായിരുന്നു , ദൈവത്തെ ശപിക്കാമായിരുന്നു . ക്രൂരമായ പീഡനങ്ങൾ നിശബ്ദം സഹിച്ചു കൊണ്ട് ആരെയും കുറ്റപെടുത്താതെ പിതാവിനെ വിളിച്ചു കൊണ്ടു ജീവൻ വെടിഞ്ഞ മനുഷ്യ പുത്രനെ ഏറ്റുപറഞ്ഞു കൊണ്ടാണു ആ 21 പേരും രക്തം ചിന്തിയതു.(ഞാൻ നിങ്ങളോടു പറയുന്നു മനുഷ്യരുടെ മുന്നിൽ എന്നെ ഏറ്റു പറയുന്ന ഏതൊരുവനെയും ദൈവത്തിന്റെ ദൂതന്മാരുടെ മുന്നിൽ മനുഷ്യപുത്രനും ഏറ്റുപറയും .മനുഷ്യരുടെ മുമ്പിൽ എന്നെ തള്ളിപറയുന്നവൻ ദൈവത്തിന്റെ ദൂതന്മാരുടെ മുൻപിലും തള്ളിപറയപ്പെടും ലൂക്കാ 12; 8-9 ) ആദിമ സഭയിൽ സ്വന്തം രക്തം കൊണ്ട് വിശ്വാസത്തിന്റെ അടിത്തറ പാകിയ അനേകായിരങ്ങളുടെ കൂട്ടത്തിലേക്ക് തങ്ങളുടെയും വിശ്വാസം ചേർത്തു വെച്ചുകൊണ്ടാണ് നമ്മുടെ ഈ സഹോദരങ്ങൾ ലോകം വിട്ടു പോയത് . മനുഷ്യൻ എന്ന നാമത്തിനു യാതൊരു അർഹതയുമില്ലാത്ത ക്രൂരമൃഗങ്ങളായ മതഭ്രാന്തൻമാരുടെ ആയുധങ്ങൾക്ക് തങ്ങളുടെ വിശ്വാസത്തെ നശിപ്പിക്കാൻ കഴിയില്ല എന്ന് അടിയുറപ്പിക്കുന്നതായിരുന്നു മരണമടഞ്ഞവരുടെ ബന്ധുക്കളും സഹോദരങ്ങളുമടങ്ങിയ ഒരു സമൂഹം പുരോഹിതനോടൊപ്പം ദേവാലയത്തിൽ നിലവിളിച്ചപേ ക്ഷിക്കുന്ന കാഴ്ച.

നിറഞ്ഞൊഴുകുന്ന കണ്ണുകളോടെ പുരോഹിതൻ യേശുവേ ഞങ്ങളെ രക്ഷിക്കാൻ വരണമേ എന്നു ബലിപീoത്തിലേക്ക് നോക്കി വിളിക്കുമ്പോൾ അലമുറയിട്ടു കൊണ്ടു അതു ഏറ്റു പറയുന്ന ജനതയുടെ കണ്ണുനീർ കർത്താവു അവഗണിക്കുമോ ? ഒരിക്കലുമില്ല . സങ്കീർത്തനം 94 അധ്യായത്തിൽ ഇങ്ങനെ പറയുന്നു . ചെവി നൽകിയവൻ കേൾക്കുന്നില്ലെന്നോ ? കണ്ണ് നൽകിയവൻ കാണുന്നില്ലെന്നോ ?. ജീവനും ജീവിതവും നൽകിയവൻ എല്ലാം അറിയുന്നു .തന്റെ ജനത്തിന്റെ രക്തത്തിന് പ്രതികാരം ചെയ്യാൻ സൈന്യങ്ങളുടെ രാജാവ്‌ എത്തിച്ചേരുന്ന സമയം വിദൂരമല്ല . ക്രിസ്തുവിനു വേണ്ടി വീഴുന്ന രക്തതുള്ളികളോട് ചേർത്ത് വെച്ചു നമുക്കും കരുണയ്ക്കായി യാചിക്കാം . ലോകത്തിന്റെ വിവിധ ഭാഗങ്ങളിൽ സുരക്ഷിതരായി ഇരിക്കുമ്പോൾ നമുക്കു ഇതെല്ലാം സഹതാപിക്കാനുള്ള വാർത്തകൾ മാത്രമായിരിക്കും . ഒരു പക്ഷെ ഇന്നല്ലെങ്കിൽ നാളെ ഞാനും നീയും ഈ വേദനകളിലൂടെ കടന്നു പോവേണ്ടി വരും , ഈ ലോകം സുരക്ഷിതമല്ല , സ്വന്തമെന്നു കരുതി ആർക്കും നല്കാതെ അടക്കി പിടിചിരിക്കുന്നതെല്ലാം ഇവിടെ ഉപേക്ഷിച്ചു പോവെണ്ടാവരാണ് നാം എന്ന സത്യം തിരിച്ചറിയേണ്ട സമയം അതിക്രമിച്ചിരിക്കുന്നു .എനിക്കും എന്റെ കുടുംബത്തിനും എല്ലാം നേടണമെന്ന ചിന്ത മാറ്റി വെച്ച് ,ഏറ്റെടുക്കാം നമുക്ക് നമ്മുടെ സഹോദരങ്ങളുടെ വേദനകളെ , എന്നും സ്വന്തം സന്തോഷത്തിനും സുഖത്തിനും പണത്തിനും വേണ്ടി മാത്രം കർത്താവിനെ വിളിക്കാതെ ലോകത്തിനു വേണ്ടി ,തിരു സഭയ്ക്ക് വേണ്ടി കരുണയ്ക്കായി അപേക്ഷിക്കാം .പരിഭവങ്ങളുടെയും പരാതികളുടെയും കെട്ടുകൾ കർത്താവിന്റെ മുന്നിൽ ഇറക്കി വെയ്ക്കാതെ നിത്യജീവനുവേണ്ടി കണ്ണുനീരോടെ പ്രാർത്ഥിക്കാം .

പ്രാർത്ഥനഓ സൈന്യങ്ങളുടെ രാജാവായ കർത്താവെ , അങ്ങയുടെ ജനത്തിന്റെ കണ്ണുനീർ കാണണമേ ,ദുഷ്ടന്റെ ആക്രമണങ്ങളിൽ നിന്ന് അങ്ങേ മക്കളെ കാത്തു കൊള്ളണമേ ,തിരുസഭയെ ലക്ഷ്യമിട്ടു മുന്നോട്ടടുക്കന്ന ശത്രുക്കളിൽ നിന്നു സഭയെ സംരക്ഷിക്കണമേ ,കാരുണ്യവാനായ കർത്താവെ ,അങ്ങയുടെ ആഗമനം വിദൂരമല്ല എന്നു ഞങ്ങൾ അറിയുന്നു അങ്ങേ മക്കൾ അറിഞ്ഞും അറിയാതെയും അങ്ങേക്കതിരായി ചെയ്തു പോയ അപരാധങ്ങൾ പൊറുത്തു നിത്യ നരകത്തിൽ നിന്നു ഞങ്ങളെ രക്ഷിക്കണമേ .ധീരതയോടെ സുവിശേഷത്തിന് വേണ്ടി നില കൊള്ളുവാൻ അങ്ങേ മക്കളെ ശക്തരക്കണമേ .
പരിശുദ്ധ അമ്മേ ദൈവ മാതാവേ ഞങ്ങൾക്ക് വേണ്ടി നിരന്തരം മാധ്യസ്ഥം വഹിക്കണമേ .

(കരുണയുടെ ജപമാല ലോക സമാധാനത്തിനു വേണ്ടി കാഴ്ച വയ്ക്കാം )

Besy Nevil, Marian Ministry

Read More